Под истрага 24 лица за злоупотреба при доделување земјиште под закуп и исплата на субвенции
Вработени во министерството за земјоделство и подрачните единици, како и неколку правни и физички лица осомничени за злоупотреба на договори за закуп на земјиште и исплата на субвенции. Ја оштетиле државната каса за околу 220 илјади евра. Дел од нив на распит во Кривичниот суд...
Дваесет и четворица се под истрага за злоупотреба на договори за закуп на земјоделско земјиште и исплата на субвенции. Се сомничат дека ги злоупотребиле службената положба и овластувањата оштетувајќи ја државната каса за околу 220 илјади евра.
Петнаесет од осомничените се вработени во Министерството за земјоделство и подрачните единици, а преостанатите се правни и одговорни физички лица. Двајца се турски државјани, сопственици на фирми.
Седум осомничени лица беа донесени на распит во Кривичниот суд пред судија во претходна постапка. Осомничените се товарат дека злоупотребите ги направиле во период од пет години, односно од 2011- 2016 година.
Миле Ристески