Откриени 14 мигранти од Пакистан во возило кај Удово

Полициски службеници од Полициска станица- Валандово вчера пронашле патничко возило „Ауди А6“ со скопски регистарски ознаки со 14 лица мигранти од Пакистан, без возач.

Како што соопштува МВР, по извршениот увид на местото, во 06.00 часот возилото и мигрантите биле превземени од полициски службеници од Полициска станица за Граничен премин „Богородица“.

За случајот бил известен Јавен обвинител, по чии насоки возилото било задржано во Полициска станица за Граничен премин „Богородица“, а лицата биле предадени во Прифатен центар за странци Скопје за понатамошна постапка. Инаку, на возилото имало регистарски таблици од товарно возило „Застава“.

Се преземаат мерки за целосно расчистување на случајот, велат од МВР.