ДИК: Излезеноста до 10 часот 8,98 проценти
Според податоците, најмала излезеност е забележана во Врапчиште 3,51 процент, а најголема во Демир Капија од 19,15 проценти.
Излезеноста до 10 часот според податоците добиени од општинските изборни комисии (ОИК) на територијата на Македонија е 8,98 проценти, соопшти портпаролот на ДИК, Љупка Гугучевска.
Според податоците, најмала излезеност е забележана во Врапчиште 3,51 процент, а најголема во Демир Капија од 19,15 проценти.
На територија на Град Скопје излезеноста изнесува 9,56 проценти. Најмала излезеност во скопските општини има во Чаир 5,76 проценти, а најголема во Ѓорче Петров 11,53 проценти.
Во општина Аеродром на гласање излегле 10,62 проценти, во Бутел 10,61 процент, во Гази Баба 11,01 процент, во Карпош 10,99 проценти, во Кисела Вода 10,22 проценти, во Сарај 6,87 проценти, во Центар 9,96 и во Шуто Оризари 7,79 проценти.
На сите 3.480 избирачки места гласањето е започнато и тече без неправилности. На некои места има доцнење од најмногу половина час од причина што избирачките одбори работеле на отстранување на пропаганден материјал, рече Гугучевска.
Државната изборна комисија информира дека има воспоставено кол-центар кој е во постојана комуникација со сите ОИК. Досега нема податоци за инциденти на избирачки места.