60 лица загинаа во вооружен напад во Нигерија
16.02.2014 19:54
Вооружени напаѓачи, најверојатно припадници на екстремната исламистичка група Боко Харам, убија најмалку 60 луѓе, мнозинството христијани, во едно село на североистокот на Нигерија, соопштија денеска локалните власти.
- - Во вчерашниот напад убија многу, многу луѓе. Според последната информација убиени се најмалку 60 жители, соопшти претседателот на локалната Влада Маина Улараму.
- Тој изјави дека допрва треба да се утврди точниот број на жртвите во нападот во селото Изга во државата Борно.
Властите претпоставуваат дека напаѓачите се припадници на Боко Харам, кои го зазеле селото, ограбувале, а потоа побегнале.
По нападот стотици жители останаа без куќи, рече Улараму, кој во моментот се наоѓа во Абуџа, и додаде дека ќе тргне во локалната престолнина Мајдугури, за да организира хуманитарна помош.
Екстремисти од Боко Харам минатата недела убија 43 луѓе во селата Кондуга и Вајирко, исто така во Борно.