45 општини добија градоначалници по првиот круг од локалните избори

Четириесет и пет општини добија градоначалници по првиот круг од локалните избори, а во 35 ќе има втор круг, на 29-ти октомври. СДСМ во првиот круг освоило 37 градоначалнички места, ВМРО-ДПМНЕ три, ДУИ две, група избирачи две, и Демократската партија на турците едно.

Сѐ уште не е извесно дали ќе биде избран градоначалник на Скопје во првиот круг. Ова се податоци од електронската страница на ДИК.

Излезноста според ДИК, е околу 53 насто. Мирен изборен ден со нерегуларности е првичната оценка на претседателот на Државната изборна комисија, Чичаковски.