Почувствуван земјотрес во Охрид

Земјотрес со магнитуда од 2,6 степени според Рихтер денес во 11 часот и 18 минути е регистриран на 105 километри југозападно од Скопје, во Охридското епицентрално подрачје, соопшти Сеизмолошката опсерваторија при Природно-математичкиот факултет во Скопје.

Земјотресот беше почувствуван од населението во југозападниот дел од Републиката и тоа во Охрид и околината со интензитет од III-IV степени според Европската Макросеизмичка Скала.