МВР и Обвинителството истражуваат кој бил логистика на Грујевски и Бошкоски

Министерот за внатрешни работи, Оливер Спасовски вели дека ресорот, заедно со Обвинителството, истражуваат кој бил логистика на поранешните вработени во УБК, Грујевски и Бошкоски при бегството од земјава. Рече дека имаат многу податоци, но информациите не се за споделување со јавноста.

Постапката за екстрадиција ја води Министерството за правда и се соработува со грчката страна. Двајцата обвинети во „Таргет- Тврдина“ се во екстрадициски притвор.

Нивното судење е одложено за први декември.