Промени во владиниот и во парламентарниот состав по локалните избори

По локалните избори, промени во Владата и во Парламентот. Арбен Таравари ја напушта функцијата министер за здравство, бидејќи стана градоначалник на Гостивар. Исто така, ќе има и смена на местото министер без ресор задолжен за странски инвестиции, откако Рамиз Мерко освои најмногу гласови во трката за Струга. Градоначалник на Чаир стана Висар Ганиу, кој досега беше заменик- министер за образование.

Промени и во Парламентот, откако двајца пратеници поднесоа оставки, а други освоја градоначалнички мандати. Градоначалници станаа досегашните пратеници Шилегов, Богоев, Димитриевски, Поцков, Јаневски, Бочварски и Дудуш.