Владата го ревидира растот на БДП за годинава на 1,6 проценти
Министерот за финансии, Драган Тевдовски нагласи дека се очекува да заврши забавувањето што го имавме годинава и да има значително забрзување следната година.
Владата го ревидира растот на бруто- домашниот производ за годинава на 1,6 проценти, наместо првично планираните 2,2 отсто.
На првата дебата за предлог- буџетот за 2018-та година, министерот за финансии Драган Тевдовски нагласи дека вакво ревидирање се прави првпат, но важно е затоа што е основа за проекциите за наредната година, кога се очекува растот да достигне 3,2 насто.
Во 2018-та буџетската каса ќе тежи 3,44 милијарди евра. Тевдовски најави повисоки плати во образованието, јавното здравство и во армијата.
Најавена е и повисока акциза на нафтата за три денари. Цената на дизел горивата ќе се качи за 3,54 денари, со пресметан ДДВ.
Основицата за придонеси ќе порасне кај повисоките плати. Прогресивниот данок ќе се применува од 2019-та.