Девет години затвор за првообвинетиот за милионскиот грабеж во НЛБ банка
20 години и 10 месеци вкупна робија за тројца обвинети за милионскиот грабеж во НЛБ Банка, за четвртиот условна. Првообвинетиот Бобан Смилевски заработи девет години и два месеца. Сѐ уште енигма каде се украдените пари...
Девет години и два месеца затвор за првообвинетиот Бобан Смилевски за милионскиот грабеж во НЛБ Банка. Одбраната ќе се жали, казната била превисока.
Второобвинетиот, Горан Смилевски доби шест и пол години исто така за затајување и тешка кражба. Борис Мичевски, третообвинет во случајот, доби пет години и два месеци, додека пак четвртообвинетиот доби условна казна.
Четворицата обвинети од трезорот на НЛБ Банка украле 400.000 швајцарски франци и 375.000 евра. Извршиле кражба и на 2 милиона швајцарски франци и 270 илјади евра.
Сѐ уште е енигма каде се украдените пари.