Бугарската Влада ќе гласа за ратификација на Договорот за добрососедство со Македонија
Владата на Бугарија денеска треба да гласа за предлогот за ратификација на Договорот за добрососедство со Македонија во бугарското Народно собрание.
Бугарската вицепремиерка и министер за надворешни работи Екатерина Захариева најави дека се очекува Договорот за добрососедство да биде ратификуван во Народното собрание на Бугарија до крајот на неделава.
Премиерите на Македонија и на Бугарија, Зоран Заев и Бојко Борисов, договорот го потпишаа на први август во Скопје, а официјално ќе стапи во сила кога ќе го ратификуваат парламентите на двете земји.
Со Договорот се предвидува унапредување на севкупната соработка, а меѓу другото и формирање комисија за историско- образовни прашања на паритетна основа која треба да придонесе за објективно и засновано на докази научно толкување на историските настани поврзани со двете земји.