ОЈО отвори предистражна постапка за договор за снимање играна серија

Основното јавно обвинителство за гонење организиран криминал и корупција извести дека е отворена предистражна постапка за договорот помеѓу Агенцијата за филм и продукциска куќа, ангажирана за снимање играна серија. Постапуваат по известување од Финансиската полиција.

Од Обвинителството соопштуваат дека надлежен јавен обвинител издал повеќе насоки и наредби за прибирање материјални докази за случајот, дел од доказите се веќе доставени.