Градот Скопје ќе ги донира средствата планирани за дочекот на Новата 2018
На расправата за првичните мерки за загадувањето, Шилегов истакна дека следејќи ги препораките да не се одржуваат средби на отворено, настанот се откажува и ги повика и спонзорите да ги донираат средствата предвидени за прославата на оваа ноќ во добротворни цели.
Се откажува дочекот на Новата 2018 година, а средствата коишто беа планирани за организирање на дочекот ќе се донираат во добротворни цели на Клиниката за белодробни заболувања, соопшти градоначалникот Шилегов.
На расправата за првичните мерки за загадувањето, Шилегов истакна дека следејќи ги препораките да не се одржуваат средби на отворено, настанот се откажува и ги повика и спонзорите да ги донираат средствата предвидени за прославата на оваа ноќ во добротворни цели.
„Ќе го повикам главниот спонзор Телеком да направиме напори тие средства да завршат таму кајшто се најпотребни“- истакна Шилегов на денешната седница на Советот.
Ова е вторпат прославата за Нова година да биде откажана, откако минатата година се донесе истата одлука од слични причини.