Ново рочиште за случајот „Труст“

Во Кривичниот суд Скопје денеска се одржува ново рочиште за предметот на СЈО „Труст“, во кој првоосомничен е бизнисменот Сеад Кочан и уште две физички и три правни лица, меѓу кои и управителите на фирмите „Трансмет“, „Силекс“ и „Вато“. Тие се осомничени за фалсификување документи и местење тендери на ЕЛЕМ вредни 17 милиони евра.

Одбраната побара како доказ да не се изведуваат 155 документи, како и да се изземат и аудиоматеријалите што се однесуваат на два телефонски разговора. Од СЈО посочија дека тоа се важни докази за нив и дека јавноста треба да знае што се случило. Судот не го прифати предлогот на одбраната, но и не дозволи да биде изведен доказ со диск со обработени банкарски сметки.

Обвинителството на минатото рочиште ја презентираше листата од над 1.500 докази.