На 15-ти декември заедничка седница на владите на Македонија и на Албанија

Владите на Македонија и Албанија на 15-ти декември во Подградец ќе одржат заедничка седница.

Претставниците на Владите на двете држави, како што се наведува во соопштението на македонската Влада, го договориле датумот и местото на одржување на заедничката седница.

Повеќе теми е предвидено да бидат разгледани на седницата во Подградец, а во фокусот ќе биде унапредување на заемната соработка во повеќе области.

Владата на премиерот Зоран Заев на 23-ти ноември во Струмица одржа заедничка седница со бугарската Влада.