Врховниот суд ја одобри блокадата за муслиманските држави

Врховниот суд на САД и одобри на Администрацијата на американскиот претседател Доналд Трамп целосно да ја спроведе забраната за влез во земјата на државјани на Чад, Иран, Либија, Сомалија, Сирија и Јемен.

Мерката се однесува и на граѓаните на Северна Кореја, како и на некои претставници на венецуелските власти.

На овој список беа ставени и државјаните на Ирак, но бидејќи таа земја е клучен сојузник на САД на Блискиот Исток, забраната беше укината.

Забраната е оспорена во апелациски суд во Хаваи и од страна на Американскиот сојуз за граѓански слободи.