Вонредна средба на ОИС за Ерусалим
На средбата учествуваат 22 претседатели на исламските земји и дваесетина министри за надворешни работи.
На иницијатива на официјална Анкара, Организацијата за исламска соработка (ОИС) на вонреден самит во Истанбул расправа за последиците од признавањето на Ерусалим за израелска престолнина од страна на САД.
На средбата учествуваат 22 претседатели на исламските земји и дваесетина министри за надворешни работи.
Турскиот претседател Реџеп Таип Ердоган е незадовлен од одлуката на Вашингтон, а министерот за надворешни работи Мевлут Чавушоглу побара светот да го признае источен Ерусалим за палестински главен град.
„Прво, палестинската држава треба да биде призната од сите останати држави. Ние сите треба да се бориме за тоа. Треба да побараме од другите држави да ја признаат палестинската држава врз основа на границите од 1967 година и со главен град источен Ерусалим“, изјави Мевлут Чавушоглу, министер за надворешни работи на Турција.
За статусот на Ерусалим се води неколкудецениски израелско- палестински конфликт. Во градот се сметстени верски објекти со исклучителна важност за христијанството, јудеизмот и исламот.