ЕУ: Продолжени економски санкции за Русија

ЕУ ги продолжи економските санкции за Русија за уште шест месеци поради анектирањето на Крим кое, според челниците на блокот, го загрозува територијалниот интегритет, суверенитет и независноста на Украина.

Доналд Туск, претседателот на Европскиот Совет на Твитер напиша дека одлуката била донесена на самитот во Брисел. Индивидуалните санкции кон руските и украинските граѓани беа воведени во 2014 година.

Со нив се предвидува замрзнување на имот и забрана за влез на територијата на ЕУ. Русија постојано повторува дека нема продуктивност во преговори кои подразбираат казнени мерки.