Владата ќе стимулира инвестиции во објекти за групно домување

Со непосредна спогодба по цена од само 70 денари ќе се продава градежното земјиште во државна сопственост за дооформување на парцела за изградба на пензионерски, студенстки и домови за згрижување на деца без родители.

Изградбата на објектите ќе се врши согласно урабнистичките планови- твдри министерот Сугарески. Вели, изборот на оштините бил направен врз основа на проценките за интерес од приватниот сектор за инвестирање во вакви објекти од социјален карактер. Постојните цени ќе бидат намалени во просек за 23 пати.

„Со предложените измени се врши намалување на висината на цената по која се отуѓува градежното земјиште сопственост на Република Македонија, со непосредна спогодба за А3 – групно домување за реон 5 и реон 6, и таа ќе изнесува 70 денари, за разлика од досегашните цени, кои за овие реони изнесуваа од 1.600 до 400 денари за населено и вонаселено место, во различни општини. Целта на ова намалување на цената на градежно земјиште во сопственост на Република Македонија е да се стимулира изградбата на објекти за групно домување, со социјална компонента како што се домови за пензионери, градинки, ученички и студентски домови и слично“, вели Горан Сугарески, министер за транспорт и врски.

Во овие реони на листата се и скопските општини- Илинден, Арачиново, Шуто Оризари, Сарај. Сугарески е дециден дека цената од 70 денари по квадрат ќе важи само за оние што ќе ја дооформуваат парцелата, за продажбата на државното градежно земјиште ќе се распишува јавен повик.

Одлуката за нова ценовна политика и законски измени за отуѓување и давање на земјиште под закуп, го минала владиниот филтер.

Сузана Фиданска- Стоевска