Гостиварските наставници ќе ја добијат ноемвриската плата

Гостиварските наставници ќе ја добијат ноемвриската плата. Советот на општината едногласно ја донесе одлука за ребаланс на буџетот за образование, со што е надминат проблемот во основните и во средните училишта.

Парите за дотации од Министерството беа префрлени, но проблемот настана меѓу мнозинството во советот и локалната власт, што го закочи ребалансот и ја блокираше исплатата на платите на повеќе од илјада луѓе.

Поради ова, во петокот, вработените во основното училиште „Единство“ ја бојкотираа наставата.