Оштетен воз на линијата Жеровјане- Гостивар

Патничкиот воз што сообраќа на релација Скопје- Кичево, вчера по 18 часот удрил во поставени камења на делот од пругата меѓу железничките станици Жеровјане и Гостивар.

Од ударот било предизвикано оштетување на моторот и карданот, поради што возот веднаш сопрел.

Како што информира МВР, нема повредени патници, а железничкиот сообраќај на тој дел од пругата бил во прекин до 23 часот, кога бил нормализиран.