Атина: Македонскиот проблем се враќа на сцената

„Спектарот на македонскиот проблем“ се враќа на грчката политичка сцена и во оваа фаза го става на тест единството на Владата, бидејќи во владејачката коалиција има две линии, се вели во текстот објавен на грчкиот портал „Њус-ин“.

Во моментот грчката Влада, од партијата Сириза ја следи логиката за изнаоѓање компромисно решение, слично на тоа од 1992 година во рамките на озлогласениот „Пакет пинеиро“ - за името „Нова Македонија“, што тогаш грчките политичари го блокираа, со образложение дека зборот Македонија никогаш не треба да биде дозволен во името на соседната држава.

Порталот „Њус-ин“, потсетува дека само пред неколку дена грчкиот министер за надворешни работи Никос Коѕијас директно одговорил на прашањето за името на поранешната југословенска Република Македонија, со зборовите: „Ние сметаме дека времето работи за нас, но се покажа дека не е така.“