Интерпол распиша потерници по петмина осомничени за настаните во Собранието

Петмина македонски државјани се бараат со меѓународна потерница на Интерпол во врска со настаните во Собранието на Република Македонија од 27-ми април минатата година.

Како што е објавено на интернет страницата на МВР, од денеска со меѓународна потерница се бараат Никола Митревски – Кољо, Александар Василевски – Нинџа, Младен Додевски, Дејан Давидовски и Митре Питроповски.

Досега тие се бараа само со домашни потерници. Судот во нивно отсуство им определи мерка притвор, а штом ќе бидат пронајдени веднаш ќе бидат спроведени во истражниот затвор во Шуто Оризари.