Вонредна седница на Советот за безбедност за состојбата во Иран

Советот за безбедност на Обединетите нации на барање на САД ќе одржи вонредна седница во знак на поддршка на антивладините протести на Иран. Земјите- членки се со поделени мислења за протестите во Иран, во кои загинаа најмалу 21 лице, а над 450 беа уапсени.

Американската амбасадорка во ОН, Ники Хејли, претходно рече дека САД покренале иницијатива во седиштата на ОН во Њујорк и во Женева, да се одржи дебата за ситуацијата во Иран.

Таа ги поддржа демонстрантите, истакнувајќи дека ОН мора јавно да го изнесе своето мислење и да ги поддржи протестите.