Денес и утре облачно, од четврток дожд и снег

И натаму високи температури за овој период од годината, од 8 до 14 степени. Од утре попладне се очекуваат локални врнежи од дожд. Значителна временска промена ќе има од петок, кога според метеоролозите ќе има врнежи и заладувања.

Како што информира Управата за хидрометеоролошки работи, повеќе врнежи се очекуваат в сабота и в понеделник, кога поради спуштање на постудена воздушна маса, врнежи од снег можно е да има и на некои повисоки места.

Минималната утринска температура в четврток ќе се движи од минус 2 до четири, а дневната од шест до 13 степени. Најстудено ќе биде в недела, со утринска температура од минус четири до два, а дневна од два до седум степени.