Генералниот секретар на НАТО, Столтенберг во дводневна посета на Македонија
При последната средба со премиерот Заев во седиштето на Алијансата во Брисел, генералниот секретар изјави дека вратата на НАТО останува отворена и дека ја поддржува Македонија на патот за членство во сојузот.
Генералниот секретар на НАТО, Јенс Столтенберг, денеска пристигнува во дводневна посета на Македонија. Ќе има средби со државниот врв и со лидери на политички партии.
Според најавите, тој ќе се сретне со претседателот Ѓорѓе Иванов, министрите за надворешни работи и за одбрана Никола Димитров и Радмила Шекеринска, како и со лидерите на политичките партии. Утре Столтенберг ќе се обрати пред пратениците во Собранието и ќе одржи заедничка прес- конференција со премиерот Зоран Заев.
При последната средба со премиерот Заев во седиштето на Алијансата во Брисел, генералниот секретар изјави дека вратата на НАТО останува отворена и дека ја поддржува Македонија на патот за членство во сојузот.
По три години, ова е прва посета на генерален секретар на Алијансата на земјава. Во мај 2014-та година, во Македонија беше тогашниот прв човек на НАТО, Андрес Фог Расмунсен.