Бугарска инвестиција отвора 100 работни места

 

Новиот објект  во општина Бутел ќе располага со корисна површина од 10 илјади метри квадратни и ќе произведува трафостаници за пренос на електрична енергија за потребите на домашните компании. Според министерот за странски инвестиции Џери Наумоф ,контактите со бугарската компанија почнале пред една година, но биле интензивирани  последниве 5 месеци, кога била и донесена одлука за инвестирање.

 

На почеток ќе бидат вработени 50 лица, но  подоцна кога ќе биде достигнат полниот капацитет  и дополнителни 50 , изјави Наумоф, кој очекува  успешно завршување на разговорите за влез на  неколку бугарски компании во  областа на аграрот и на минералните суровини .

 

„Филкаб“ е присутна на македонскиот пазар веќе 10 години  и најавува дека новиот капацитет во Визбегово  ќе биде основен логистички центар  за снабдување  на сите пазари од западниот Балкан. Бугарската компанија ,освен во земјава, е присутна  и во Романија, Кипар, Германија, Албанија и Косово.