Напаѓачите на Зијадин Села на обвинителна клупа

Во скопска единица судење за собраниските настани од 27-ми април. На обвинителна клупа ќе седнат десет лица обвинети за обид за убиство на пратеникот Зијадин Села. Еден од нив е и членот на собраниското обезбедување, но тој ќе одговара за непостапување во службата.

Досега, една група од девет лица помина со условни казни откако го призна делото. Четири години затвор доби и еден од напаѓачите на тогаш пратеничката Радмила Шеќеринска.

Пет лица и натаму се недостапни за полицијата. За нив е распишана меѓународна потерница.

Над 20 лица остануваат во притвор во очекување на обвинението. Меѓу нив се и шест пратеници од ВМРО-ДПМНЕ и коалицијата. Осомничени се за тероризам и загрозување на уставниот поредок на државата.