Шилегов: Повисоките сметки за вода ќе донесат поздрава животна средина
Град Скопје ја одбра најниската цена за водата- тврди градоначалникот Петре Шилегов. Вели повисоките сметки ќе донесат поздрава животна средина. ВМРО-ДПМНЕ обвини за осиромашување на граѓаните, од СДСМ тврдат – жителите на главниот град плаќаат најмалку.
Наместо 500 денари просечна сметка за вода, граѓаните од март ќе плаќаат 522 денари. За овие пари, граѓаните ќе добијат поздрава животна средина- смирува градоначалникот на Скопје, Петре Шилегов. Вели дека се должни да ја почититуваат одлуката на Регулаторната комисија за енергетика.
Шилегов вели дека сметките не се зголемуваат поради поскапувањето на водата, туку поради трошок за третирање отпадни води. Од град Скопје велат, досега два фактора влијаеле на конечната цена: тарифата за снабдување и тарифата за собирање и одведување на отпадните води. Сега има и трета точка за прочистување во двете станици на Лепенец и Треска.
ВМРО-ДПМНЕ, пак, обвини дека власта удира врз џебот на граѓаните.
Од СДСМ тврдат дека ВМРО-ДПМНЕ пласира лажни вести. Според партијата, граѓаните на главниот град плаќаат најниска цена на вода во земјава. Според најавите, оваа точка на дневен ред на Советот на Град Скопје ќе се најде в среда.
Ана Јосифоска- Тодоровска