Абас:Идеите за палестинско-израелски договор се неприфатливи
Идеите, претставени од американскиот државен секретар Џон Кери на палестинскиот претседател Махмуд Абас за решавање на израелско-палестинската криза, се неприфатливи и не можат да послужат како основа за рамковен договор со Израел, изјавил анонимен палестински претставник.
- Кери му понуди на претседателот Абас повеќе идеи и предлози, кои се уште се во фаза на дискусии, за време на нивните средби вчера и завчера. Овие идеи не можат да се прифатат од палестинска страна како основа за рамковен договор меѓу Палестинците и Израел, бидејќи не ги опфаќаат легитимните права на палестинскиот народ, истакнал палестинскиот претставник.
Тој нагласил дела палестинската страна му потенцирала на Кери дека неговите предлози и идеи се неприфатливи, посебно признавањето на Израел како еврејска држава.