Неизвесно кога ќе се расправа за амандманите на Законот за јазиците

Засега не се знае кога Собранието ќе расправа за амандманите за Законот за јазиците во трето читање , поднесени од опозициската ВМРО- ДПМНЕ. Од 35.569 амандмани,  досега  биле преведени на албански јазик само околу 17 илјади, информира денеска претседателот на Парламентот, Талат Џафери.

Амандманите, според Џафери, се политичко прашање и целта на ВМРО-ДПМНЕ е да спречи носење на законот. Што и да се направи за излез од оваа ситуација, вели Џафери, ќе се оспорува уставноста.

Само за членот 22 од Законот се поднесени 33.844 амандмани, изјави Џафери.