Случај „Топлик“: Одбраната бара изземање на вештакот

Вештачењето на документите во случајот „Топлик“ да не биде дел од списите на судот, побара одбраната. Според нив, вештакот кој работел на документот немал лиценца и бил роднина со вработена во СЈО.

Поради ова, адвокатите сметаат дека вештачењето е пристрасно и побараа да се изземе од доказите на СЈО. Судијата што го води предметот рече за ова дополнително ќе се изјасни.

Ново рочиште е закажано за март. Му се суди на поранешниот министер Миле Јанакиески дека незаконски ѝ овозможил на фирма да купи државно земјиште за изградба на комплесот Сончев град.