Жбогар: Преку дијалог до решение

„Само преку дијалог може да се најдат најдобрите решенија“– вели амбасадорот Самуел Жбогар. Смета оти посетата на медијаторот Метју Нимиц на Скопје и на Атина е добар индикатор дека може да се дојде до решение.

Евроамбасадорот Жбогар вели дека ЕУ ги поддржува тие средби и контакти, а претстојната посета на Нимиц е добар индикатор оти преговорите може да почнат и дека можат да дадат некој резултат што ќе биде задоволителен за двете страни. Ја коментираше и стратегијата на Унијата за Западниот Балкан.

За ЕУ претстојат многу интересни месеци и веќе следната недела можам да кажам дека Европската комисија ќе ја објави стратегијата за Западен Балкан. Се уште е рано да кажам нешто поконкретно, но оваа стратегија претставува визија на ЕУ како го гледа регионот понатаму во процесот на проширување, рече евроамбасадорот.