Холандија: Владата го преживеа гласањето за недоверба

Холандскиот Парламент ѝ изгласа доверба на Владата на премиерот Марк Руте откако шефот на дипломатијата Халбе Зејлстра поднесе оставка на функцијата поради изречени невистини во врска со рускиот претседател Владимир Путин и план за формирање Голема Русија.

Гласањето го покрена пратеникот на Слободарската партија Герт Вилдерс, кој оцени дека е неприфатливо премиерот да не ги информира пратениците за овој скандал поврзан со министерот за надворешни работи.