Заев утре во Берлин на средба со Меркел

Во рамки на официјалната посета на владина делегација на Германија, премиерот Зоран Заев утре во Берлин ќе се сретне со германската канцеларка Ангела Меркел.

Како што соопшти владината прес-служба, по средбата канцеларката Меркел и премиерот Заев ќе имаат заедничка прес- конференција.

За време на посетата во Берлин, Заев е предвидено да се сретне и со претседателот на Германија Франк Валтер Штајнмаер. Заев ќе има и обраќање во централната канцеларија на Фондацијата „Фридрих Еберт“.