Навремената интервенција го спасила Села од сигурна смрт
Во Кривичниот суд продолжи рочиштето за насилството врз пратеникот Зијадин Села. Тројцата вештаци ги изнесуваа своите вештачења...
Навремената интервенција на лекарите го спасила Зијадин Села од сигурна смрт – тврдат вештаците од Институтот за Судска медицина. Како најсериозни повреди ги посочија скршениот нос на пратеникот, помодрени очи, нагмечување на мозокот, поради што, во иднина тој може да има и епилептични напади кои засега ги контролира со терапија.
Адвокатите на обвинетите не се сомневаат во стручноста на лекарите, но го оспорија вештачењето и побараа да се издвои од доказите затоа што, како што велат, тие немале валидна лиценца за вештачење во јуни минатата година кога ги изготвувале стручниот наод и мислење.
Обвинителот, пак, рече дека не им се потребни лиценци, затоа што барањето за вештачење било доставено до Институтот како највисока образовна институција од оваа област, која сама по себе е компетентна да изработува вакви стручни документи.
Анита Димитријевска