Иванов ќе биде информиран за борбената готовност, плановите и задачите на АРМ

Претседателот на Република Македонија, Ѓорге Иванов, денеска ќе биде информиран за борбената готовност на Армијата на Република Македонија од страна на Началникот на Генералштабот на АРМ, генерал- потполковник Методија Величковски, соопштија од Кабинетот на претседателот.

Брифингот за борбената готовност е редовна обврска на Началникот на Генералштабот на АРМ кон Претседателот на Република Македонија.

Претседателот Иванов ќе биде информиран за реализацијата на плановите и задачите на АРМ во 2017-та година, согласно функционалните области на АРМ.