Министерот за надворешни работи на Полска во посета на Македонија

Јацек Чапутович, министерот за надворешни работи на Полска денеска е во Скопје. Тој ќе има средба со шефот на македонската дипломатија Никола Димитров.

На средбата ќе биде отворена полско- македонската соработка во рамките на евроинтегративниот процес на државните службеници од двете земји.

Полска е дел од Вишеградската група, земји-членки на Европската унија кои постојано ја поддржуваат евроатлантската интеграција на Македонија.