Северна Кореја сѐ уште молчи за претстојната средба Трамп- Ким
Во Северна Кореја повеќе месеци е во сила забрана за посета на странски новинари, а Пјонгјанг се придржува кон истиот антиамерикански и пронуклеарен став.
Државните медиуми во Пјонгјанг сѐ уште молчат за планираната средба помеѓу американскиот претседател Доналд Трамп и севернокорејскиот лидер Ким Јонг- Ун.
Во Северна Кореја повеќе месеци е во сила забрана за посета на странски новинари, а Пјонгјанг се придржува кон истиот антиамерикански и пронуклеарен став.
Во меѓувреме, севернокорејскиот весник „Родонг Синмун“ објави кус текст за минатонеделната посета на високите јужнокорејски претставници, без да ги спомене плановите за Американско- севернокорејски самит.
Отсуството на потврда од Пјонгјанг предизвика скептицизам околу тоа дали Ким сериозно размислува да се откаже од нуклеарното оружје.