Можна трилатерална средба меѓу Северна и Јужна Кореја и САД

Јужнокорејскиот претседател Мун Џае-Ин изјави дека е можна тристрана средба на врвот со Северна Кореја и со САД.

Преговорите меѓу лидерите на Северна Кореја и на Сад по средба на врвот меѓу двете Кореи, само по себе ќе бидат историски настан. Во зависност од тој резултат можна е тристрана средба, вели Мун Џае-Ин.

Според него, средбите треба да имаат за цел прекин на нуклеарната закана на Корејскиот Полуостров.