„Ден со македонските водечки извршни директори“- проект на Советот на странски инвеститори

Десет студенти од додипломски, постипломски и докторски студии ќе имаат можност да поминат еден ден со пет извршни директори на водечки компании во земјава, да се запознаат со нивната работа и да стекнат искуство и знаење.

Обуките се дел од проектот на Советот на странски инвестиции при Стопанската комора под покровителство на претседателот Ѓорге Иванов. Пријавувањето почнува денеска, ќе трае до 5-ти април. Може да аплицираат сите заинтересирани.

Формирана е работна група која што ќе ги разгледува пријавите и ќе одлучи кои од кандидатите ќе добијат оваа можност.