СДСМ: Целата снимка ќе ја покаже вистината
Според владејачката партија, различните и спротиставени изјави на Иван Николов, кој сведочеше во судот, покажуваат дека овој случај бил осмислен од претходната власт за прогон на претседателот на Социјалдемократскиот сојуз на Македонија, Зоран Заев.
Објавувањето на целата снимка ќе ја покаже вистината пред граѓаните– велат од СДСМ. Според владејачката партија, различните и спротиставени изјави на Иван Николов, кој сведочеше во судот, покажуваат дека овој случај бил осмислен од претходната власт за прогон на претседателот на Социјалдемократскиот сојуз на Македонија, Зоран Заев.
Од СДСМ велат и дека изјавите на Николов се конфузни и не се совпаѓаат со она што го изјавил тој на средбите со обвинителот.
Според нив, вистината се крие од јавноста, но порачуваат дека никој не може да застане на патот на правдата.