Јавното обвинителство ќе поднесе обвинение за собраниските настани од 27-ми април
Обвинителството објави дека истрагата е завршена и нема да го преквалификува делото за ниту еден од осомничените, обвинети во овој случај. 35-темина се обвинети за терористичко загрозување на уставниот поредок и безбедноста. Меѓу нив пратеници, организатори на протестот и вработени во МВР.
Јавното обвинителство ќе поднесе обвинение до скопскиот Кривичен суд за собраниските настани од 27-ми април. Неодамна, Обвинителството објави дека истрагата е завршена и нема да го преквалификува делото за ниту еден од осомничените, обвинети во овој случај.
35-темина се обвинети за терористичко загрозување на уставниот поредок и безбедноста. Меѓу нив пратеници, организатори на протестот и вработени во МВР.
Со одлука, вчера Врховниот суд мерката затворски притвор им ја замени со куќен на поранешниот министер за внатрешни работи Чавков, на пратениците Мукоски и Василевски и на петмина полицајци.
За тројцата пратеници и оперскиот пеач кој беа во куќен притвор, највисокиот суд го укина и им го замени со мерки на претпазливост.