Факторингот е речиси непознат за домашните компании
Олеснителните механизми за плаќање не се искористени доволно. Малку фирми се запознати со инструментот „факторинг“ за наплата на побарувањата. Министерот за подобрување на деловната клима вели дека е важно малите и средни претпријатија да бидат поддржани на долг рок.
Домашните компании сѐ уште недоволно ги користат олеснителните механизми за плаќање. Мал е бројот на фирмите што се запознаени со инструментот факторинг за наплата на побарувањата. Познавачите велат дека ова е добар начин да се подобри ликвидноста, да се обезбеди свеж капитал и да се поддржат растот и развојот на фирмите.
Според министерот задолжен за подобрување на деловната клима, Зоран Шапуриќ, важно е малите и средните фирми да бидат поддржани на долг рок.
Во Европската унија, обемот на факторинг изнесува повеќе од 10 проценти од БДП, а во Словенија, како блиска земја од регионот, 3 насто од БДП или 1,2 милијарди евра.
Веќе се вршат обуки за македонските фирми. Факторинг засега користат банките и мал процент на фирми, а го нудат осигурителните друштва и МБПР.
Дијана Ценевска