АРМ ќе се подмлади со 125 нови професионални војници
Од ресорот одбрана најава дека Армијата ќе се подмлади со 125 нови професионални војници. Министерката Шекеринска вели дека служењето во АРМ не е само чест и одговорност, туку и шанса за напредување. Ова е прв конкурс годинава...
Македонската Армија ќе се подмлади со 125 нови професионални војници. Утре ќе се објави конкурсот на кој може да се пријават лица до 25- годишна возраст и со завршено средно образование, но и со веќе доброволно отслужен воен рок. Министерката Шекеринска повика на помасовно аплицирање и порача дека служењето армија не е само чест, одговорност, туку и шанса за напредување преку обука и дополнителни школувања.
Ова е прв конкурс годинава во Армијата, како дел од вкупно 375 нови вработувања на професионални војници. За десетина дена, Министерството го почнува процесот на набавка на униформи и чизми за офицерите и војниците.
Министерката го посочи вложувањето и во воените објекти. Таа во Воено- медицинскиот центар во Скопје, се запозна и со капацитетите и можностите на развој на воената установа.
Наташа Гркова- Петрушевска