Судењето за случајот „Тендери“ продолжува на 14-ти мај

Во Кривичниот суд ново рочиште за случајот „Тендери“. Се емитуваа снимки од пет прислушувани разговори кои се доказ на Обвинителството.

Четири се направени во 2011-та година и во нив најчесто разговараат поранешната министерка за култура Елизабета Канческа- Милевска и поранешниот министер за транспорт и врски Миле Јанакиески. Петтиот разговор е снимен во 2013-та меѓу Канческа- Милевска и поранешната министерка за внатрешни работи, Гордана Јанкулоска.

Предметот „Тендери“ се однесува на изведување на градежни работи на Музејот на македонската борба за државност. Судењето продолжува на 14-ти мај.