Коми: Трамп е морално неспособен да биде претседател

Американскиот претседател Доналд Трамп е морално неспособен да управува со земјата, изјави во интервју за ЕЈ-БИ-СИ, поранешниот директор на Федералното истражно биро Џејмс Коми.

Според него, американскиот претседател мора да ги признае вредностите кои се во срцето на Америка, а најважна е вистината.

„Не верувам во тие истории дека тој e ментално некомпетентен или дека е во прв стадиум на деменција. Сметам дека тој е морално неспособен да биде претседател“, изјави Коми во првото интервју откога беше разрешен.

Трамп го смени Коми од функцијата лани во мај.