Рочиштето за „Монструм“ одложено за 15-ти мај

Во Кривичниот суд денеска требаше да се одржи првото рочиште за случајот „Монструм“,  за петкратното убиство кај Смилковското езеро во Скопје, на 12-ти април 2012-та година, откако предметот го презеде СЈО.

На самиот почеток, рочиштето веднаш беше прекинато и одложено за 15-ти мај, поради отсуство на обвинетиот Фејзи Азири, кој бил хоспитализиран на пулмологија.

Според обвинителката Фатиме Фетаи, несериозно е отсуството на обвинетиот да се правда само со еден документ дека е во болница. Судијата рече дека ќе побара целосна болничка документација за Азири.

Во судот денеска дојдоа обвинителите Фетаи, Ристовска и Бубевски, како и сите обвинети, освен хоспитализираниот Азири и Алил Демири и Африм Исмаиловиќ, кои се недостапни за судот. Присутни беа и родителите на убиените деца кај Смилковското езеро.

Врховниот суд, лани ги укина пресудите и ги ослободи од притвор осудените на доживотна казна затвор.