Откриени фосилни остатоци од слон од пред осум милиони години
Во Долни Дисан, Неготинско, архелозите денеска го покажаа едно од големите палеонтолошки откритија во Македонија. Фосилните остатоци на слон од пред осум милиони години. Археолозите од Македонија и Бугарија во оваа прва сеопфатна експедиција се воодушевени и велат, Македонија е на палеонтолошката европска мапа. До крајот на годинава предокот на слонот ќе биде изложен во Природонаучниот музеј на Македонија...
Македонија на јавноста ѝ го претстави едно од своите најспектакуларни палеолонтолошки откритија. Еден од предците на слоновите, мастодонт, од пред осум милиони години. Родот е познат во Македонија и Европа, велат археолозите, но за прв пат на едно место наоѓаат повеќе коски. Откритието има светско значење.
„Овие истражувања не се само од локално значење, туку големи за научниот свет. Очекуваме, а веќе и имаме откритие од светско значење“, изјави Николај Спасов, Природонаучен музеј на Бугарија.
Се открива и возраста на слонот. Археолозите се надеваат на нови спектакуларни откритија. Во месноста Змијовец можни се остатоци од првите пралуѓе.
Ваквите наоди овозможуваат директна врска со далечното минато и можна е три де презентација за туристички цели.
Денеска ќе се извадат фосилизираните остатоци на слонот и заедно со претходно извадените коски да се конзервираат. До крјаот на годинава предокот на слонот да биде изложен во Музејот на Македонија.
Елизабета Митреска