Хаваи: Вулканот Килауеа уништи над 30 објекти

Вулканот Килауеа уништи над 30 објекти на островот Хаваи. Околу 1.700 луѓе беа евакуирани, а во засолништата се сместени 240 граѓани. Дел од нив добија дозвола да одат  до своите домови и да ги земат миленичињата, потребната медицинска терапија или документите.

Научниците предвидуваат дека вулкански ерупции и земјотреси може да има во следните неколку месеци. Килауеа е еден од петте активни вулкани на островот, континуирано исфрла лава од 1983 година.